-4 °С
Ҡар
Бөтә яңылыҡтар
ИҠТИСАД
7 Февраль 2019, 14:06
Башҡортостан «Аҡыллы ҡала» проектын тормошҡа ашырыу буйынса пилот төбәк итеп һайланды
Республика Йортонда Башҡортостан Башлығы вазифаһын ваҡытлыса башҡарыусы Радий Хәбиров Рәсәйҙең төҙөлөш һәм торлаҡ-коммуналь хужалыҡ министры урынбаҫары Андрей Чибис менән эш осрашыуы үткәрҙе.
Республика Йортонда Башҡортостан Башлығы вазифаһын ваҡытлыса башҡарыусы Радий Хәбиров Рәсәйҙең төҙөлөш һәм торлаҡ-коммуналь хужалыҡ министры урынбаҫары Андрей Чибис менән эш осрашыуы үткәрҙе. Төбәк биләмәһендә «Аҡыллы ҡала» проектын бойомға ашырыу мөмкинлектәре тикшерелде. Өфө пилот муниципаль төбәктәр исемлегенә индерелде.
Ҡала хакимиәте 2019-2025 йылдарға яңы технологиялар индереү буйынса юл картаһын әҙерләне. Улар – коммуналь һәм энергетика инфраструктураһы һөҙөмтәлелеген арттырыуға, ресурс һаҡлаусы ойошмаларҙың сығымдарын кәметеүгә йүнәлтелгән төп ҡарарҙар, атап әйткәндә, ҡаланы энергетика ресурстарын һөҙөмтәле файҙаланып яҡтыртыу, юл хеҙмәттәре эшенә автоматлаштырылған контроль, тирә-яҡ мөхит торошона һәм һыуҙың сифатына онлайн-мониторинг, ҡалдыҡтар менән идара итеүҙең заманса системаһы. Проекттың партнёры – Францияның SUEZ компаниялар төркөмө
«Беҙ Smart city темаһы буйынса пилот төбәк итеп юҡҡа ғына Башҡортостан менән Өфөнө һайламаныҡ. Бөгөн был донъя тренды. Француз белгестәре республика менән хеҙмәттәшлекте перспективалы тип һанай икән, бында һеҙҙең командағыҙҙың өлөшө ҙур. Ошо ҡеүәтте иҫәпкә алып, Башҡортостан «Аҡыллы ҡала» проектын тормошҡа ашырыуҙа иң алдынғы субъекттарҙың береһе һәм башҡа төбәктәр менән тәжрибә алмашыу өсөн полигон булыуы мөмкин», – тип билдәләне Андрей Чибис.
Үҙ сиратында Башҡортостан Башлығы вазифаһын ваҡытлыса башҡарыусы заманса технологияларҙың тораҡ пунттарҙағы йәшәү сифатына йоғонтоһон ыңғай баһаланы.
«Республикала Рәсәйҙең Төҙөлөш һәм торлаҡ-коммуналь хужалыҡ министрлығы проекттарына етди иғтибар бүләбеҙ, сөнки уларҙың барыһы ла граждандарыбыҙҙың тормошон яҡшырта. «Аҡыллы ҡала» проекты буйынса һеҙҙең менән үҙ-ара эш итергә әҙербеҙ. Беҙҙә бөтә мөмкинлектәр бар, эште дөрөҫ ойошторорға ғына кәрәк»,– тине Радий Хәбиров.
Читайте нас:
© 2020-2024 Сайт издания "Беҙҙең Ҡыйғы"
Свидетельство о регистрации ПИ № ТУ 02-01392 от 12.08.2015г. Выдана Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Исмагилова С.Ф.
Телефон
8 (34748) 3-09-84
Электрон почта
Адресы
Республика Башкортостан, Кигинский район с. Верхние Киги, ул. Советская13
Реклама хеҙмәте
8(34748) 3-09-69
Ҡабул итеү бүлмәһе
8(34748) 3-07-05