-13 °С
Болотло
Бөтә яңылыҡтар
ИҠТИСАД
24 Апрель 2019, 16:54
Миллион өсөн биш йыл: республикала эш өсөн түләү алырға тейешле табиптар билдәләнде
Башҡортостанда 2019 йылдан дәүләт медицина ойошмаларына эшкә килгән табиптарға дәүләт ярҙамын тапшырыу тәртибе һәм шарттары раҫланды. Республиканың рәсми хоҡуҡи мәғлүмәт интернет-порталында баҫылған ҡарарға ярашлы, Башҡортостан дауаханалары «Акушерлыҡ һәм гинекология», «Анестезиология һәм реаниматология», «Неонатология», «Онкология», «Рентгенэндоваскуляр диагностикалау һәм дауалау», «Йөрәк-ҡан тамырҙары хирургияһы», «Урология» һәм «Кардиология» һөнәрҙәре буйынса юғары квалификациялы кадрҙарға мохтаж.
Башҡортостанда 2019 йылдан дәүләт медицина ойошмаларына эшкә килгән табиптарға дәүләт ярҙамын тапшырыу тәртибе һәм шарттары раҫланды.
Республиканың рәсми хоҡуҡи мәғлүмәт интернет-порталында баҫылған ҡарарға ярашлы, Башҡортостан дауаханалары «Акушерлыҡ һәм гинекология», «Анестезиология һәм реаниматология», «Неонатология», «Онкология», «Рентгенэндоваскуляр диагностикалау һәм дауалау», «Йөрәк-ҡан тамырҙары хирургияһы», «Урология» һәм «Кардиология» һөнәрҙәре буйынса юғары квалификациялы кадрҙарға мохтаж.
Башҡортостандың Һаулыҡ һаҡлау министрлығы ихтыяж тураһында ғаризалар нигеҙендә медицина хеҙмәткәрҙәренең вакантлы вазифалары реестрын төҙөй. Ошо урындарҙы биләгән осраҡта, бер тапҡыр аҡсалата компенсация түләнә.
Түләүҙең суммаһы — бер миллион һум. Табип ошо медицина учреждениеһында кәмендә биш йыл эшләргә тейеш.
Башҡортостанда табиптарға ҡытлыҡ 1150 кеше тәшкил итә. Йәш белгестәрҙе ауыл дауаханаларына йәлеп итеү өсөн уларға хеҙмәт хаҡын арттыралар, өҫтәмә түләүҙәр индерәләр, торлаҡ бирәләр.
Былтыр 127 табип һәм 116 урта медицина хеҙмәткәре — торлаҡ, 22 табип һәм 10 медицина хеҙмәткәре өй һалыу өсөн ер участкаһы алған. 17 табипҡа — социаль найм буйынса фатир, 49-ына эш урынынан торлаҡ бүленгән, 48-енә медицина ойошмаһы ҡуртымға торлаҡ алған, 13-өнә ятаҡ бирелгән.
Башҡортостанда медицинала кадрҙар мәсьәләһен хәл итеү өсөн «Ауыл табибы» программаһы ла эшләй. Быйыл «Ауыл табибы» программаһы сиктәрендә 99 табип һәм 10 фельдшер ауыл еренә эшкә ҡайта. Фельдшер-акушерлыҡ пункттарына килгән 55 фельдшерға «Ауыл табибы» программаһы буйынса бер тапҡыр пособие түләнә.
Читайте нас:
Свидетельство о регистрации ПИ № ТУ 02-01392 от 12.08.2015г. Выдана Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Исмагилова С.Ф.
Телефон
8 (34748) 3-09-84
Электрон почта
Адресы
Республика Башкортостан, Кигинский район с. Верхние Киги, ул. Советская13
Реклама хеҙмәте
8(34748) 3-09-69
Ҡабул итеү бүлмәһе
8(34748) 3-07-05