Өфө алдағы өс йылда мәктәптәрҙе һәм балалар баҡсаларын төҙөкләндереүгә 300 миллион һумдан ашыу тотонорға ниәтләй

2019 йылда Өфө хакимиәте ҡала мәктәптәрен һәм балалар баҡсаларын капиталь ремонтлауға 100,3 миллион һум тотонорға ниәтләй. Киләһе ике йылда (2021 йылға тиклем) йыл һайын 102,7-шәр миллион һум бүлеү күҙаллана. Был хаҡта баш ҡала хакимиәте ҡарарында хәбәр ителә.

Атап әйткәндә, быйыл төҙөкләндерелергә тейешле социаль объекттар исемлегендә Сипайлово биҫтәһендә, Баланов-Яңы-Александровка ҡасабаһында Башҡорт атлы дивизияһы урамы һәм Хеҙмәт геройҙары бульвары сатында, Глумилин биҫтәһендә, «Затон-Көнсығыш» биҫтәһендә, Онего урамында урынлашҡан балалар баҡсалары, Баланов-Яңы-Александровка, «Затон-Көнсығыш» мәктәптәре, 11-се Аксаков гимназияһы, 8-се мәктәп һәм башҡалар бар.

Әлеге ваҡытта бөтә объекттарҙа проект-смета документацияһына төҙәтмәләр индереү, тикшеренеү эштәре бара. Төҙөүселәр эҙләйҙәр.