Республикала торлаҡ төҙөү өсөн аҡса туплау программаһы буйынса ипотека ставкаһы 5,5% тиклем кәметелгән

«Уралсиб» банкы ағымдағы йылдың 27 майынан 6 йылға вклад асҡан граждандар өсөн ипотека кредиты буйынса ставканы йылына 5,5% билдәләргә хәл итте (элек 6% ине). Биш йылға иҫәпләнгән вкладтар өсөн — йылына 6% (элек 7% ине)», — тип белдерҙе Башҡортостандың ипотека-туплау механизмдарын һәм программаларын үҫтереү буйынса дирекция етәксеһе Евгений Декатов.

«Был — Рәсәй Президентының «май» указында нығытылған маҡсатлы күрһәткестәргә өлгәшеү һәм граждандарға торлаҡ алыу мөмкинлеген арттырыу юлында ҙур аҙым», — тине ул.