+1 °С
Болотло
Бөтә яңылыҡтар
ИҠТИСАД
13 Сентябрь 2019, 18:04
Республика колледждары өсөн Башҡортостан Башлығы гранттарын булдырырға теләйҙәр
Республиканың Мәғариф министрлығы колледждар өсөн Башҡортостан Башлығы гранттарын булдырырға тәҡдим итте. Был турала Өфө радиоэлектроника, телекоммуникациялар һәм хәүефһеҙлек колледжында уҙған күсмә «Мәғариф сәғәте» кәңәшмәһендә республиканың мәғариф министры вазифаһын башҡарыусы Айбулат Хажин белдерҙе.
Республиканың Мәғариф министрлығы колледждар өсөн Башҡортостан Башлығы гранттарын булдырырға тәҡдим итте. Был турала Өфө радиоэлектроника, телекоммуникациялар һәм хәүефһеҙлек колледжында уҙған күсмә «Мәғариф сәғәте» кәңәшмәһендә республиканың мәғариф министры вазифаһын башҡарыусы Айбулат Хажин белдерҙе.
«Беҙ социаль функция үтәгән һөнәри белем биреү ойошмалары инфраструктураһын яңыртыу буйынса Башҡортостан Республикаһы Башлығы гранттарын индерергә тәҡдим итәбеҙ. Йыл һайын — 5-әр миллион һумлыҡ 10 грант», — тине ул.
Колледждарҙы һайлап алғанда төп критерийҙар — социаль яҡланмаған балалар һаны, райондың социомәҙәни үҙәге функцияһының булыуы, шулай уҡ уҡыуҙы тамамлаусыларҙы эшкә урынлаштырыу күрһәткестәре.
«Әлбиттә, беҙҙең алдынғы колледждар гранттар алыу өсөн федераль конкурстарҙа ҡатнашыуын дауам итер һәм шул иҫәптән федераль субсидиялар иҫәбенә лә үҙ майҙансыҡтарын йыһазландыра алыр. Ләкин республика ярҙамы бәләкәй ҡалаларҙа һәм ауыл ерендә урынлашҡан колледждарға, уларҙың филиалдарына кәрәк, ә ундайҙар беҙҙә 40% самаһы, — тине Айбулат Хажин. — Улар матди базаларының көсһөҙ булыуы сәбәпле федераль грант алыуҙан мәхрүм, әммә мөһим социаль функция үтәй: етем, аҙ тәьмин ителгән, һаулыҡ мөмкинлектәре сикле балалрға белем бирә һәм райондарҙың социомәҙәни үҙәктәре булып тора».
Республика етәксеһе Мәғариф министрлығының тәҡдимен хупланы һәм «бындай колледждарға ярҙам итергә кәрәк, гранттарҙың суммаһы ҙур түгел», бюджеттың хәленән килерлек тип билдәләне.
Һуңғы ике йылда урта һөнәри белем биреүҙе үҫтереүгә республика ҡаҙнаһынан бөтәһе 340 миллион һум, ә федераль бюджеттан 250 миллион һум бүленгән.
Читайте нас:
Свидетельство о регистрации ПИ № ТУ 02-01392 от 12.08.2015г. Выдана Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Исмагилова С.Ф.
Телефон
8 (34748) 3-09-84
Электрон почта
Адресы
Республика Башкортостан, Кигинский район с. Верхние Киги, ул. Советская13
Реклама хеҙмәте
8(34748) 3-09-69
Ҡабул итеү бүлмәһе
8(34748) 3-07-05