ОТОШЛО ХЕҘМӘТТӘШЛЕК

Эште Ҡыйғы РТП-һының элекке етәксеһе Марат Айрат улы Миңлеханов башлап ебәрә. “Стартап” программаһында ҡатнашып, ул “Башланғыс стадиялағы бәләкәй бизнесты үҫтереүгә” 250 мең һум күләмендә Грант яулай. Ошо аҡсаға ҙур булмаған картуф һаҡлағыс төҙөй.
Ул саҡта кооператив Үрге ҡыйғы, Түбәнге ҡыйғы, Париж һәм алағуз ауылдарында йәшәүсе биш ғаиләне берләштерә. Бөгөн кооператив ун кешенән тора.
2018 йылда “Йәшелсәле төбәк” кооперативы “Ҡыйғы” ҡулланыусылар кооперативы (директоры И. Федорова) менән хеҙмәттәшлекте яйға һала. “Уҙған йылдың сентябренән башлап беҙ ай һайын 6 тоннаға тиклем картуф, 2 тоннаға тиклем кәбеҫтә һәм кишер, 1 тонна сөгөлдөр, 250 кг һуған йыйҙыҡ. Урындағы продукция менән һаулыҡ һаҡлау һәм мәғариф учреждениеларын тәьмин иттек. Бындай эшмәкәрлектән табыш әллә ни күп булмаһа ла, иң мөһиме: шәхси хужалыҡтар эйәләре үҙ продукцияһын ҡулайлы хаҡҡа һата алды,” – ти М. Миңләхмәтов.
“Ҡыйғы” ҡулланыусылар кооперативы етәксеһе И. Федорова: “Беҙ урындағы “Йәшелсәле төбәк” кооперативы менән тығыҙ бәйләнештә эшләйбеҙ. Ул беҙгә сифатлы картуф һәм йәшелсә килтереп тора. Барлыҡ продукцияның ярашлылыҡ сифаты бар. Продукция хәүефһеҙлегенә яһалған анализ һөҙөмтәләрен дә беҙгә тапшырып тора,” – тип һөйләне.