МАЛСЫЛАР ҮҘ БЕЛЕМДӘРЕН АРТТЫРҘЫ

“Һыйырҙарҙы ашатыу” темаһын асып, Владимир Александрович: “Мал аҙығын сығым тип ҡарарға ярамай, ә уны производствоға инвестиция булараҡ ҡабул итергә кәрәк. Һайырға күпме бирәһең, шунса ғына алырға мөмкин, – тип һөйләне. – Мал аҙығы хаҡын ғына иҫәпләргә түгел, ундағы туҡлыҡлы матдәләрҙе лә иҫәпкә алырға кәрәк. 1 кг һөткә мал аҙығы хаҡы – төп күрһәткес”. Артабан ул күләмле мал аҙығы сифатын контролләү, малдар рационын туҡлыҡлы матдәләр, микро һәм макроэлементтар буйынса баланслау мәсьәләләренә туҡталды. Һыйырҙарҙы эсереү үҙенсәлектәрен дә аңлатып китте: “Һыйыр рационында бер кг ҡоро матдәгә 4,5 л һыу талап ителә. Бер нисә сәғәт дауамында ғына ла һыу етешмәүе һөттөң кинәт кәмеүенә сәбәпсе була. Һыуҙың температураһы ла һауымға йоғонто яһай, уның +15 градустан +20 градусҡаса булыуы яҡшыраҡ. Һыуҙың эсергестән ниндәй тиҙлек менән бирелеүе лә мөһим – минутына 10 л булырға тейеш,” – тип өйрәтте белгес.
В. Токарев тыңлаусыларҙың йәш малдарҙы үҫтереү, һыйырҙарҙың һөтөн арттырыу, ит етештереү технологияһына ҡағылышлы һорауҙарына яуап бирҙе.