Ерҙең киләсәге йәштәр ҡулында

Фермер “ПН-8” һабаны менән “Т-150К” тракторында ҡалдау ерҙәрҙе эшкәртә. 2019 йылда 50 га ҡалдау ерҙе үҙләштергән, быйылға йәнә шунса уҡ планлаштырған.

СЗ-3,6 сәскесе менән МТЗ-82 тракторында һоло сәсеүҙе механизатор Вадим Миңләхмәтов башҡара.

Был хужалыҡта бөтәһе 100 гектарҙа яҙғы иген культуралары, 50 гектарҙа ҡамыл аҫтына күп йыллыҡ үләндәрҙе сәсеү планлаштырыла.

Яҡшы мал аҙығы базаһы бар, уҙған йылдарҙа сәселгән күп йыллыҡ үләндәр яҡшы торошта.

Бөгөн фермерҙың ғаиләһе һөт малсылығы менән шөғөлләнә. Быйыл ҡатыны Вилена Валерик ҡыҙы “Агростартап-2020” программаһында ҡатнашырға хәл иткән. Улар ит етештереү менән ныҡлап шөғөлләнергә, грант аҡсаһына Герефорд тоҡомло мал һатып алырға теләй.

Ғаиләлә өс бала тәрбиәләнә. Өлкән ҡыҙҙары Рианнаға – дүрт, улдары Тамерланға – өс йәш, кескәй Альмирға алтынсы ай ғына әле.