Автобустар эксплуатацияға әҙер

Районда мәктәп автобустарының 2020–2021 уҡыу йылына әҙерлеген техник тикшереү үтте.

Яңы 2020–2021 уҡыу йылы башланыуға бәйле, балаларҙы мәктәп автобустары менән ташығанда уларҙың хәүефһеҙлеген тәьмин итеү маҡсатында Ҡыйғы районы мәғариф ойошмаларына балаларҙы ташыуҙы бойомға ашырыусы транспорт сараларын һәр йыллыҡ тикшереү ойошторолдо.

ЮХХДИ хеҙмәткәрҙәре транспорт сараларының техник торошона: уларҙа хәүефһеҙлек ҡайыштары, тахографтар, ГЛОНАСС спутник системаһы булыуына, тормоз системаһы, тышҡы яҡтылыҡ приборҙары төҙөклөгөнә, шиндар протекторы торошона һәм башҡа параметрҙарға иғтибар йүнәлтте.

Тикшереү барышында һәр мәктәп автобусына хәүефһеҙлек паспорты тултырылды.