+2 °С
Ҡар
Бөтә яңылыҡтар
Мәғариф
16 Ноябрь 2020, 13:09
Барыһы ла бәләкәйҙән башлана
Үрге Ҡыйғы ауылы лицейында һәм 2-се урта мәктәптә “Экология” милли проекты сиктәрендә сүп-сар һалыу өсөн өс секциялы контейнерҙар ҡуйылды.
Үрге Ҡыйғы ауылы лицейында һәм 2-се урта мәктәптә “Экология” милли проекты сиктәрендә сүп-сар һалыу өсөн өс секциялы контейнерҙар ҡуйылды. Программа республика бюджеты аҡсаһына тормошҡа ашырыла.
Ҡорамалдар балаларҙы сүп-сарҙы сортларға өйрәтәсәк. Мәҫәлән, һары ҡумтаға – ҡағыҙ һәм картон, ә йәшеленә быяла һәм пластик һалына. Был материалдарҙы ҡабаттан файҙаланырға була. Өсөнсө, урталағы ҡумта ҡатнаш, эшкәртеүгә яраҡлы булмаған ҡалдыҡтар өсөн тәғәйенләнгән. Тулғас, кесе һауыттарҙан сүп-сар стандарт маркировкалы контейнерҙарға бушатыласаҡ, ә ҡатнаш ҡалдыҡтар стандарт контейнерға сығарыласаҡ.
“Сүп-сарҙы айырым йыйыу тирә-яҡ мөхиткә насар йоғонтоно киҫәтергә, экологик хәлде яҡшыртырға мөмкинлек бирәсәк. Контейнерҙар ҡуйыу менән бер рәттән, балалар һәм ата-әсәләр менән сүп-сарҙы айырым йыйыуҙың, ҡайһы бер материалдарҙы ҡабаттан эшкәртеүҙең мөһимлеге тураһында әңгәмә уҙғарыу планлаштырыла,” – ти Үрге Ҡыйғы 2-се урта мәктәбе директоры Ф. Сафин.
А. Ғималова.
Мәғариф учреждениеларында ҡалдыҡтарҙы айырым йыйыуҙы индереү – бик мөһим аҙым, сөнки нәҡ бәләкәй саҡта экологик фекер йөрөтөү, мәҙәнилек формалаша. Мәктәп уҡыусылары көндәлек тормошта кәрәкле мөһим күнекмәләргә эйә буласаҡ, шулай уҡ сүп-сарҙы бүлергә, уны ғәҙәти сүп-сар итеп кенә түгел, ә эшкәртеү сеймалы итеп ҡарарға өйрәнәсәк.
Тәбиғәтте файҙаланыу һәм экология министры вазифаһын башҡарыусы Нияз Фазылов.
Читайте нас:
© 2020-2024 Сайт издания "Беҙҙең Ҡыйғы"
Свидетельство о регистрации ПИ № ТУ 02-01392 от 12.08.2015г. Выдана Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Исмагилова С.Ф.
Телефон
8 (34748) 3-09-84
Электрон почта
Адресы
Республика Башкортостан, Кигинский район с. Верхние Киги, ул. Советская13
Реклама хеҙмәте
8(34748) 3-09-69
Ҡабул итеү бүлмәһе
8(34748) 3-07-05