Өфөлә тағы бер Советтар Союзы Геройының рәсеме барлыҡҡа килә

Өфө рәссамдары Олег Кайбышев һәм Мансур Зияев Башҡортостандың баш ҡалаһына тағы бер мега-граффити бүләк итергә йыйына. Транспорт урамындағы 48/2 йортонда тиҙҙән Советтар Союзы Геройы Георгий Мушниковтың портреты төшөрөлә. Был һүрәт Бөйөк Ватан һуғышында Еңеүҙең 75 йыллығына арнала.

Летчик Мушников һуғыш йылдарында Ил-2 штурмовигында 185 хәрби осош яһаған. 1962 йылдан алып 20 йыл буйына моторҙар эшләү заводында техник контроль хеҙмәтендә эшләгән.