-5 °С
Ҡар
Бөтә яңылыҡтар
СӘЙӘСӘТ
13 Сентябрь 2018, 15:28
КИЛӘСӘККӘ ӨМӨТ МЕНӘН
9 сентябрҙә урындағы ваҡыт менән 8.00 сәғәттә 32 участка һайлау комиссияһы үҙ ишектәрен асты.
9 сентябрҙә урындағы ваҡыт менән 8.00 сәғәттә 32 участка һайлау комиссияһы үҙ ишектәрен асты. уларҙың һәр ҡайһыһында күҙәтеүселәр, хоҡуҡ һаҡлау органдары хеҙмәткәрҙәре эшләне, ҡайһы берҙәрендә медицина хеҙмәткәрҙәре дежурлыҡ итте.
Район буйынса һайлаусылар исемлегендә 14450 кеше иҫәптә тора. Иң әүҙем һайлаусылар тауыш биреү башланыуҙың тәүге минуттарынан үҙ гражданлыҡ бурысын үтәргә ашыҡты. Ҡайһы бер участка һайлау комиссиялары ишектәре асылғансы уҡ халыҡ йыйылырға өлгөрҙө. Улар араһында ауыл хужалығы эшсәндәре: механизаторҙар, водителдәр, малсылыҡ хеҙмәтсәндәре бар ине. Ҡыйғы районы муниципаль район советы рәйесе, “Әй” АПК-һы рәйесе А. Нотфуллин да үҙенең һайлау хоҡуғын тыуған ауылында тәүгеләрҙән булып тормошҡа ашырҙы. Үрге Ҡыйғы ауылында йәшәүсе әүҙем ветеран-педагог Р. Хәбибуллина күп йыллыҡ традиция буйынса үҙ участкаһына иң беренсе килеп тауыш бирҙе. Район буйынса бәлиғ булыу йәшенә еткән 121 егет һәм ҡыҙ тауыш биреүҙә ҡатнашыу хоҡуғын алды. Улар өсөн участка һайлау комиссиялары иҫтәлекле бүләктәр әҙерләгәйне. Мәҫәлән, йосоп ауылында Э. Ғәйфуллина һайлауҙа тәүге тапҡыр ҡатнашты, әйткәндәй, ул – буласаҡ медик, Һатҡы медицина колледжында белем ала. Үрге Ҡыйғы ауылы лицейы бинаһында урынлашҡан 2326- сы һәм 2-се урта мәктәптәге 2327-се участкаларҙа һайлау бюллетендәрен эшкәртеү комплекстары (КОИБ) ҡулланылды. Уларҙа икешәр КОИБ ҡуйылғайны. Күптәр ғаиләһе менән килде.Үрге Ҡыйғыла Зөлфиә һәм Ильяс Вәлиевтәр, уларҙың улы Айҙар, ҡыҙы Альбина тәүгеләрҙән булып тауыш бирҙе. Мәсәк ауылында сәитғәлиндар ғаиләһе “һайлауға – тотош ғаилә менән” акцияһында айырылып торҙо. Ошо уҡ көндө һәр ауылда төрлө саралар уҙҙы. Район үҙәгендә халыҡ йәшелсә, емеш-еләк һәм бал еҫтәре аңҡыған көҙгө йәрминкәлә булды. Район мәҙәниәт йорто коллективы концерт әҙерләгәйне. Дүшәмбикә, Кандаковка һәм Мәсәк ауылдарында сәскәләр күргәҙмәһе ойошторолдо. Башҡа ауылдарҙа хеҙмәт ветерандарын һәм ололарҙы тәбрикләү саралары үтте. Абзай ауылындағы 2317-се һайлау участкаһында ла, һәр ваҡыттағыса, ҙур әүҙемлек күрһәттеләр. Был көндө урындағы мәҙәниәт йортонда йәш үҙешмәкәр рәссам Денис Заһитовтың “Ижадҡа сикләү юҡ” тип аталған график эштәр күргәҙмәһе асылды.Денис Рәшит улы ауыл биләмәһенең йәмәғәт тормошонда әүҙем ҡатнаша, һайлауҙа ул “Берҙәм рәсәй” сәйәси партияһынан күҙәтеүсе булды.Райондың йәш депутаттары ассоциацияһы рәйесе В. Сәйфуллин уға әүҙем тормош позицияһы өсөн рәхмәт хаты тапшырҙы. Бөтә рәсәй инвалидтар йәмғиәтенең Ҡыйғы районындағы бүлексәһе рәйесе Р. Хәсәнова уның ижади эштәренә юғары баһа бирҙе.
Дүшәмбикәләр – спорт һәм халыҡ уйындарында, йүкәлекүлдәр шахмат өҫтәле артында көс һынашты. Көндөң икенсе яртыһында участка һайлау комиссиялары ағзалары күсмә йәшник менән сәләмәтлек торошо буйынса һайлау участкаһына килә алмаған, алдан ғариза биргән граждандарҙың өйҙәренә барҙы. Бына БР Дәүләт Йыйылышы – Ҡоролтай депутаттарын һайлау тамамланды. Ҡыйғылар был юлы ла әүҙемлек күрһәтте, һайлаусыларҙың 73,87 проценты ҡатнашты. Тәүге тапҡыр тауыш биреүсе йәштәрҙең 73,55 проценты үҙ гражданлыҡ бурысын үтәне.
***
44-се Йүрүҙән һайлау округы буйынса алтынсы саҡырылыш Башҡортостан Республикаһы Дәүләт Йыйылышы – Ҡоролтай депутатын һайлау һөҙөмтәләре тураһында округ һайлау комиссияһы белдереүе Тауыш биреү тамамланыу мәленә һайлаусылар исемлегенә индерелгәндәр һаны – 53741. Һайлау округы буйынса һайлауҙа ҡатнашыусылар һаны – 43323 (80,61%). Һәр кандидат өсөн һайлаусылар биргән тауыштар: Кандидат “Ғарипов Рифат Рузил улы” – 28905 (66,72%) Кандидат “Катин Евгений Алек- сеевич” – 3825 (8,83%) Кандидат “Тюрин Игорь Владимирович” – 2840 (6,56%) Кандидат “Фазләхмәтов Ирек Йонос улы” – 7224 (16,67%). 44-се Йүрүҙән һайлау округы буйынса алтынсы саҡырылыш Баш- ҡортостан Республикаһы Дәүләт Йыйылышы – Ҡоролтай депутаты итеп Ғарипов Рифат Рузил улы һайланды, 1986 йылғы; йәшәү урыны – БР-ҙың Өфө ҡалаһы; эш урыны, биләгән вазифаһы – “Беренсе трест” ЯСЙ-һы, идара итеүсе директор; “БЕРҘӘМ РӘСӘЙ” Бөтә Рәсәй сәйәси партияһының Башҡортостан төбәк бүлексәһе тарафынан күрһәтелгән; “БЕРҘӘМ РӘСӘЙ” Бөтә Рәсәй сәйәси партияһы ағзаһы.
***
44-се Йүрүҙән һайлау округы буйынса алтынсы саҡырылыш Башҡортостан Республикаһы Дәүләт Йыйылышы – Ҡоролтай депутатын һайлау һөҙөмтәләре тураһында округ һайлау комиссияһы белдереүе Тауыш биреү тамамланыу мәленә һайлаусылар исемлегенә индерелгәндәр һаны – 53741. Һайлау округы буйынса һайлауҙа ҡатнашыусылар һаны – 43323 (80,61%). Һәр кандидат өсөн һайлаусылар биргән тауыштар: Кандидат “Ғарипов Рифат Рузил улы” – 28905 (66,72%) Кандидат “Катин Евгений Алек- сеевич” – 3825 (8,83%) Кандидат “Тюрин Игорь Владимирович” – 2840 (6,56%) Кандидат “Фазләхмәтов Ирек Йонос улы” – 7224 (16,67%). 44-се Йүрүҙән һайлау округы буйынса алтынсы саҡырылыш Баш- ҡортостан Республикаһы Дәүләт Йыйылышы – Ҡоролтай депутаты итеп Ғарипов Рифат Рузил улы һайланды, 1986 йылғы; йәшәү урыны – БР-ҙың Өфө ҡалаһы; эш урыны, биләгән вазифаһы – “Беренсе трест” ЯСЙ-һы, идара итеүсе директор; “БЕРҘӘМ РӘСӘЙ” Бөтә Рәсәй сәйәси партияһының Башҡортостан төбәк бүлексәһе тарафынан күрһәтелгән; “БЕРҘӘМ РӘСӘЙ” Бөтә Рәсәй сәйәси партияһы ағзаһы.
С. Исмәғилева.
Л. Саҙретдинова.
Н. Тәүәбилов
Л. Саҙретдинова.
Н. Тәүәбилов
Читайте нас:
© 2020-2024 Сайт издания "Беҙҙең Ҡыйғы"
Свидетельство о регистрации ПИ № ТУ 02-01392 от 12.08.2015г. Выдана Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Исмагилова С.Ф.
Телефон
8 (34748) 3-09-84
Электрон почта
Адресы
Республика Башкортостан, Кигинский район с. Верхние Киги, ул. Советская13
Реклама хеҙмәте
8(34748) 3-09-69
Ҡабул итеү бүлмәһе
8(34748) 3-07-05