Башҡортостан Башлығы хакимиәтендә социаль коммуникациялар идаралығы булдырылды

Башҡортостан Башлығы хакимиәтендә социаль коммуникациялар идаралығы булдырылды. Был турала бөгөн республика Хөкүмәтендәге оператив кәңәшмәлә Башҡортостан Башлығы вазифаһын ваҡытлыса башҡарыусы Радий Хәбиров белдерҙе. Яңы идаралыҡ етәксеһе итеп быға тиклем «Башинформ» акционерҙар йәмғиәте директоры урынбаҫары һәм Башҡортостан Башлығы ҡарамағындағы социаль селтәрҙә халыҡтың мөрәжәғәттәре буйынса эшсе төркөм етәксеһе вазифаһын биләгән Елена Прочаковская тәғәйенләнде.

Елена Прочаковская 1969 йылдың 28 апрелендә Украина ССР-ы Одесса өлкәһе Балтск районы Пассат ауылында тыуған. «Рус теле һәм әҙәбиәте уҡытыусыһы» буйынса Мәскәү педагогия университетын тамамлаған. Башҡортостанға тиклем Прочаковская Мәскәү өлкәһе Красногорск хакимиәтендә эшләгән.

Сығанаҡ http://www.bashinform.ru/bash/1348498/