ДОНЪЯ ЧЕМПИОНЫ ПРИЗЫНА ТУРНИР

Йыйылыусыларҙы район хакимиәте башлығы Ш. Мөхәмәтдинов, БР-ҙың көрәш буйынса федерацияһы башҡарма директоры Ю. Ильясов сәләмләне. Улар спортсыларға ғәҙел көрәш һәм еңеүҙәр теләне. Көн оҙоно бер нисә балаҫ өҫтөндә алыштар барҙы. Ҡыйғы көрәшселәре призерҙар исемлегенә инеүгә өлгәште: Б. Нуриәхмәтов менән И. Искәндәров үҙ ауырлыҡ категорияларында еңеү яулаһа, Л. Сиражев икенсе урынға лайыҡ булды. Ҡыҙҙар араһында беҙҙең спортсылар Ф. Миңлейәрова, Д.Дилмөхәмәтова, И. Әпсәләмова, Э. Ғатауллина, И. Мөхәмәтовалар бер кемгә лә бил бирмәне. Э. Мөхәмәҙиева, Э. Зиннәтуллина, В. Яҡуповалар өсөнсө урын алды. Барлыҡ еңеүселәргә миҙалдар һәм аҡсалата бүләктәр тапшырылды. Был турнир беренсе тапҡыр уҙғарылды. Сараның спонсорҙары булараҡ БР-ҙың көрәш буйынса баш тренеры Рөстәм Зыяҡаев, ағалы- ҡустылы Наил һәм Булат Зөлҡәрнәевтәр сығыш яһаны.