САҢҒЫСЫЛАР СЕЗОНЫ АСЫҠ

Ярыш Үрге Ҡыйғы ауылында Кәжигер тауында уҙғарылды. Стартҡа йәмғеһе 71 саңғысы баҫты. Улар төрлө дистанцияларҙа көс һынашты. Һәр йәш төркөмөндә еңеүселәр билдәләнде. 2007–2008 йылғы ҡыҙҙар араһында А. Ғатауллина (Арыҫлан ауылы), ошо уҡ йәш төркөмөндәге малайҙар араһында Ф. Хизбуллин (Арыҫлан ауылы), 2005–2006 йылғылар араһында ҡыҙҙарҙан Г. Ғатауллина (Арыҫлан ауылы), малайҙарҙан Д. Фәссәхов (Үрге Ҡыйғы ауылы лицейы) еңеү яуланы. 2003–2004 йылғыларҙан Ғ. Ғәбитова (лицей), 2001–2002 йылғыларҙан И. Ҡорбанғәлиев (лицей) беренсе урынға сыҡты. Барлыҡ призлы урын алыусыларға миҙалдар һәм маҡтау ҡағыҙҙары тапшырылды.
Беҙҙең хәбәрсе