«Ағиҙел» хоккейсылары Рәсәй йыйылмаһы составында — Красноярскиҙа Универсиада чемпиондары

Рәсәйҙең йыйылма командаһы Красноярскиҙағы Универсиадала ҡатын-ҡыҙҙар хоккей турнирында еңеү яуланы.
Финалда рәсәйҙәр Канада командаһын еңде. Өсөнсө осорҙа иҫәпте Лиана Ғәниева асты. Осрашыу тамамланыуға 11 секунд ҡалғас, Алевтина Штарева иҫәпте япты. Рәсәй йыйылмаһы составында Өфөнөң «Ағиҙел» хоккейсылары Мария Баталова һәм Анна Шибанова уйнаны.
Универсиаданың бронза миҙалдары өсөн матчта Япония командаһы АҠШ-ты еңде.