Өфөнән фристайлсы Руслан Катманов Европа кубогында көмөш миҙал яуланы

Өфө тау саңғыһы спорты буйынса спорт мәктәбенең 19 йәшлек тәрбиәләнеүсеһе Руслан Катманов акробатика дисциплинаһында фристайл буйынса Европа кубогының көмөш призеры булды. Башҡортостандың баш ҡалаһы вәкиле Швейцариянан донъя чемпионы Ной Роттан ғына ҡалышты. Өсөнсө урынды Белоруссиянан фристайлсы Игорь Дребенков алды.

Бынан алда Руслан Катманов Красноярскиҙағы Ҡышҡы Универсиадала бронза миҙал яулағайны.

4-6 апрелдә Өфө спортсыһы Италияның Кьеза-ин-Вальмаленко курортында акробатика буйынса донъя беренселегендә сығыш яһай.