Яҡташыбыҙ фехтование буйынса Европа беренселегендә «бронза» яуланы

Өфөләге 19-сы спорт мәктәбенән 22 йәшлек Искәндәр Әхмәтов фехтование буйынса Европа беренселегендә бронза миҙал яуланы. Антон Бородачев, Кирилл Бородачев һәм Григорий Семенюк менән Рәсәй йыйылмаһы составында рапирист почет пьедесталының өсөнсө баҫҡысына күтәрелде.
Сирек финалда рәсәйҙәр немец спортсыларын еңде (45:21), ярымфиналда француздарҙан еңелде (39:45). «Бронза» өсөн Рәсәй рапирасылары украиндар менән көрәште (45:41).