Лицей яңы спортзалға эйә буласаҡ

“Был проблеманы хәл итеү өсөн, район хакимиәте башлығы Ш. Мөхәмәтдинов республика Башлығы Р. Хәмитовҡа мөрәжәғәт итте. Һөҙөмтәлә БР-ҙың Социаль маҡсатлы программалар фонды советында Үрге Ҡыйғы ауылы лицейына каркас тибындағы спорт залы (төкәтмә) төҙөү тураһында ҡарар ҡабул ителде. Объектты төҙөү өсөн финанс ярҙамды “Транснефть” асыҡ акционерҙар йәмғиәте бүлгән. Эштәрҙең заказсыһы булып “Административ биналарға идара итеү” дәүләт унитар предприятиеһы сығыш яһай, подрядсы – “Глобаль технологиялар”. Төҙөлөш 2017 йылдың ноябренән алып 2018 йылдың март-апреленә саҡлы барасаҡ, тип фаразлана. Әлеге ваҡытта төҙөлөш башланған – фундамент һалына. Яңы спортзал лицей бинаһының артында урынлашасаҡ. Төҙөлөш майҙансығын әҙерләгәндә учреждениеның канализация системаһы конструкцияһы үҙгәртелде. Ошоға бәйле, уҡыусылар бер ни тиклем уңайһыҙлыҡ кисерергә мәжбүр булды – ашхана персоналы ике көн дауамында балаларҙы ашатыуҙы ойоштора алманы. Әлеге ваҡытта был хәл яйға һалынған, туҡландырыу ғәҙәти режимда дауам итә,” – тип хәбәр итте беҙгә лицей директоры Р. Әхмәҙуллин.

З. Закирова яҙып алды.