“ҒАИЛӘ АЛЬБОМЫ”

Яңы хеҙмәт Республика йәштәр социаль-психологик һәм мәғлүмәт- методик үҙәгенең Төньяҡ филиалы белгестәре, балалар модуль китапханаһы менән берлектә даими рәүештә төрлө саралар үткәрә. Үткән шәмбелә улар күп балалы ғаиләләр өсөн “Ғаилә альбомы” исеме аҫтында Бөтә донъя сәләмәтлек көнөнә ҡарата ғаилә ялын ойошторҙо. Программала төрлө танып-белеү уйындары, викториналар булды, ата-әсәләргә һәм балаларға ғаиләләре тураһында һүрәт төшөрөргә тәҡдим ителде. Ғәлимовтар ғаиләһенең эше иң үҙенсәлеклеһе тип билдәләнде, Мөфлихунов һәм Ғәбделғәзизовтарҙың эштәре лә ҡыҙыҡлы тип табылды (Үрге Ҡыйғы ауылы). Ижади оҫтахана ла эшләне. Балалар китапханаһы хеҙмәткәрҙәре балаларҙы фоторамкалар, фотосессияларға реквизиттар яһарға өйрәтте. Был көндө ғаиләләр сәләмәт һәм бәхетле ғаилә тормошоноң төп аспекттары тураһында психологтарҙан консультация алды. Һуңынан “фотомәктәптә” дәрестәр ойошторолдо. Фотосессия бик күңелле үтте. Һәр кем иҫтәлекле, ҡыҙыҡлы фотолары менән ғаилә альбомын биҙәй аласаҡ.