Яңы йыл тамашалары көтөлә

Район мәғариф бүлегендә хәбәр итеүҙәренсә, илдең Дөйөм Рәсәй Яңы йыл шыршы байрамына беҙҙең райондан Арыҫлан урта мәктәбе уҡыусыһы Ильвина Зиннәтуллина барасаҡ. Ильвина яҡшы уҡый, күп тапҡыр төбәк һәм район саңғы ярыштары, билбау менән көрәш турнирҙары еңеүсеһе булған.
Рамазан Латипов (Үрге Ҡыйғы лицейы), Илһам Дилмөхәмәтов (Йүкәлекүл ауылы төп дөйөм белем биреү мәктәбе), Рудик Мөхәмәтйәров (Ибрай ауылы төп дөйөм белем биреү мәктәбе) республика шыршы байрамында ҡатнашасаҡ.
Уларҙың барыһы ла яҡшы уҡый, район олимпиадалары, конкурстар һәм спорт ярыштары еңеүселәре һәм призерҙары булып тора.
Район мәктәптәрендә яңы йыл тамашалары 24–29 декабрҙә үтәсәк. Бынан тыш, 20–21 декабрҙә Пионерҙар һәм уҡыусылар йорто тәрбиәләнеүселәре; 24 декабрҙә етем һәм ата-әсә ҡарауынан мәхрүм балалар өсөн иртәлектәр; 25 декабрҙә уҡыу алдынғылары өсөн Бал-маскарад үткәреләсәк. 24–29 декабрҙә район мәҙәниәт йортонда алдан һорауҙар буйынса балалар иртәлектәре үткәреләсәк. Барыһын да сағыу байрам тамашалары һәм Ҡыш бабай менән Ҡарһылыуҙың бүләктәре көтә.
С. Исмәғилева. Һүрәттә: И. Зиннәтуллина.