ҠУНАҠТАР КҮП БУЛМАЙ!

Үрге Ҡыйғы ауылы 2-се урта мәктәбе 2 В класы уҡыусылары үҙәк балалар китапханаһына йөрөргә ярата. Бында яғымлы, үҙ һөнәренә тәрән бирелгән, иғтибарлы хеҙмәткәрҙәр эшләй, улар һәр сараға – китаптар күргәҙмәһе йә иһә театрлаштырылған тамаша булһынмы, бар күңелдәрен һала. Китапханасылар йәш уҡырмандарҙы асыҡ йөҙ менән ҡаршы ала, кәңәш бирә, яңы китаптар менән таныштыра, уҡыусыларҙың уңыштарына ихлас шатлана.

Беҙҙең класс, уҡырға өйрәнеү менән, китапханаға барып яҙылды һәм ошо ваҡыт эсендә ҡыҙыҡлы, мауыҡтырғыс китаптар менән танышырға, бик күп конкурстарҙа һәм сараларҙа ҡатнашырға өлгөрҙө. Яңы 2019 йылды ҡаршылауға арналған байрам сағыу булды. Унда “Ғаилә” район-ара үҙәгенең Ҡыйғы бүлексәһендә иҫәптә торған ғаиләләрҙә тәрбиәләнеүсе балалар саҡырылды. Сара бик ҡыҙыҡлы һәм күңелле үтте, ҡыҙҙар һәм малайҙар викторина һорауҙарына яуап бирҙе, шиғырҙар уҡыны, ғаиләлә Яңы йылды нисек ҡаршы алыуҙары тураһында һөйләне. Уларҙың барыһы ла иҫтәлекле бүләктәр алды.

О. Һуйырбаева, Үрге Ҡыйғы ауылы 2-се урта мәктәбе 2 В класы етәксеһе.

Читайте нас:

Свидетельство о регистрации ПИ № ТУ 02-01392 от 12.08.2015г. Выдана Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Исмагилова С.Ф.

Телефон

8 (34748) 3-09-84

Электрон почта

[email protected]

Адресы

Республика Башкортостан, Кигинский район с. Верхние Киги, ул. Советская13

Реклама хеҙмәте

8(34748) 3-09-69

Ҡабул итеү бүлмәһе

8(34748) 3-07-05