ТЫРЫШЛЫҠ УҢЫШҠА ИЛТӘ

Республиканың баш ҡалаһында Өфө дәүләт нефть техник университеты базаһында йәшәү эшмәкәрлеге хәүефһеҙлеге нигеҙҙәре буйынса Бөтә Рәсәй уҡыусылар олимпиадаһының төбәк этабы үтте. Унда 9–11 кластар уҡыусылары – мәктәп һәм муниципаль этаптар еңеүселәре ҡатнашты. Беҙҙең район намыҫын Үрге Ҡыйғы ауылы лицейы уҡыусылары Артем Мөхәмәтшин менән Павел Буров яҡланы.
Теоретик һәм практик һынауҙар һөҙөмтәһендә 9-сы класс уҡыусыһы А. Мөхәмәтшин (етәксеһе А. Мөхәмәтнуров) призлы урын яуланы. Йәшәү эшмәкәрлеге хәүефһеҙлеге нигеҙҙәре фәне төрлө яҡлап төплө әҙерлек талап итә. Уҡыусының был фәнде ҙур ҡыҙыҡһыныу менән өйрәнеүе, шулай уҡ уҡытыусының тырышлығы яҡшы һөҙөмтә бирҙе.