Башҡортостан – ата-бабаларыбыҙ төйәге

Сарала Үрге Ҡыйғы ауылының 2-се урта мәктәбе 9-сы класс уҡыусылары һәм “Шатлыҡ”, “Башаҡҡай” балалар баҡсалары тәрбиәләнеүселәре ҡатнашты. Осрашыуҙы алып барыусы республи- кабыҙҙың бөтә ил менән бергә йөҙ йыл эсендә үткән оло юлы хаҡында һөйләне. Һуңынан балалар тыуған Ҡыйғы районы, уның йолалары һәм традициялары, мәҙәниәт һәм тәбиғәт байлығы хаҡындағы ҡыҙыҡлы мәғлүмәттәр менән танышты. Үҙ белемдәрен уҡыусылар “Символдар”, “Башҡортостандың ете мөғжизәһе”, “Беҙҙең халҡыбыҙҙың байрамдары”, “Легендар шәхестәр”, “Башҡортостандың һәм Ҡыйғы районының данлыҡлы шәхестәре”, “Халҡыбыҙҙың йыр һәм бейеүҙәре”, “Тыуған яғымдың тау һәм йылғалары”, “Легендалар һәм әкиәттәр” уйын этаптарында тикшерә алды. Сара барышында шулай уҡ видеофильмдәр, презентациялар күрһәтелде, яҡташ шағирҙар һүҙҙәренә яҙылған йырҙар тыңланды. Балалар баҡсаларында тәрбиәләнеүселәр башҡарған концерт номерҙары сараға йәм өҫтәне.

Залда Башҡортостандың юбилейына бәйле уның тарихына һәм яулаған бейеклектәренә арналған “Юбилейың менән, Башҡортостан!” һәм “Башҡортостан – минең тыуған төйәгем” тип аталған китап-мәғлүмәт күргәҙмәләре урынлаштырылғайны.