Радий Хәбиров Еңеү көнөн байрам итеү тураһында бойороҡҡа ҡул ҡуйҙы

Башҡортостан Башлығы вазифаһын ваҡытлыса башҡарыусы Радий Хәбиров 2019 йылда Еңеү көнөн байрам итеү тураһында бойороҡҡа ҡул ҡуйҙы.
Документ менән республикала 1941-1945 йылдарҙағы Бөйөк Ватан һуғышында Еңеүҙең 74 йыллығына арналған тантаналарҙы әҙерләү һәм уҙғарыу планы раҫланған.
Байрам саралары иҫәбендә — 8 майҙа «Башҡортостан» дәүләт концерт залында концерт, 9 майҙа Еңеү паркының мемориаль комплексында сәскә һалыу.
Район хакимиәттәренә шулай уҡ һәйкәлдәргә, обелисктарға сәскә һалыу тантанаһын, «Үлемһеҙ полк» ойошторорға, фронтовиктарҙы, тыл хеҙмәткәрҙәрен тәбрикләү һәм Еңеү көнөнә бағышланған төрлө мәҙәни саралар уҙғарырға тәҡдим ителгән.