Хөрмәтле Ҡыйғы районы халҡы һәм ҡунаҡтары!

Был яҡты һәм ҡыуаныслы байрам элеккесә халыҡтың иң яратҡан байрамдарының береһе булып тора. Ул Рәсәй халҡының берҙәмлеген һәм теләктәшлеген сағылдыра. Был көндө беҙ тыныс ижади хеҙмәтте данлайбыҙ.
Бөгөн район именлегенә уңышлы һәм намыҫлы эшләүселәрҙең барыһына ла ихлас рәхмәт һүҙҙәрен еткерәбеҙ.
Был байрам үҙ көсөгөҙгә ышанысты арттырһын, ыңғай кәйеф бүләк итһен. Яҙ йылыһы менән бергә һеҙгә яңы көс һәм идеялар өҫтәлһен, ә һәр ҡайһығыҙҙың хеҙмәт ҡаҙанышы районыбыҙҙың, республикабыҙҙың һәм илебеҙҙең артабанғы үҫешенә лайыҡлы өлөш булһын.
Һәр йортта бәхет, тыныслыҡ һәм именлек хөкөм һөрөүен, һәр ҡайһығыҙға ныҡлы сәләмәтлек, һүрелмәҫ көс-дәрт, яҙғы шатлыҡлы кәйеф, уңыштар теләйбеҙ.