Бер айҙа ике еңеү

Конкурс РФ Президенты эргәһендәге академияла ике көн барҙы. Һандуғас, “Әгәр мин Президент булһам, минең тәүге өс указым” исемле үҙенең проектын яҡлап, финалғаса үтеп , Рәсәй Федерацияһының Дәүләт власы органдарында йәки Хөкүмәт корпорацияларының береһендә стажировка үтеү хоҡуғы менән Икенсе дәрәжә лауреат исеменә лайыҡ булды.
Был уңыш – Һандуғас Яруллинаның бер ай эсендә икенсе еңеүе. Алдан ул Мәскәүҙән стоматолог һөнәренә уҡыусы сит ил студенттары ла ҡатнашлығында үткәрелгән VI Бөтә Рәсәй олимпиадаһында белемдә, оҫталыҡта ярышып, “Доктор Тайсс Натурварен Русс” компанияһы номинацияһында еңеүсе Дипломы менән ҡайтҡайны. Һандуғас Яруллина Иҫке мөхәмәт урта мәктәбен алтын миҙалға тамамлаған. Уҡыусы сағында уҡ республика балаларының “Башҡортостан ынйылары” фестиваль- конкурсына эҙләнеү-тикшеренеү эштәре башҡарған, “Аҡйондоҙ” балалар театры составында һәр саҡ сәхнәлә, хатта республиканың “Урал батыр” эпосын һөйләүселәр конкурстарында ла сығыш яһаған. 2012 йылда республика кимәлендә “Иң яҡшы ҡатын-ҡыҙ роле” номинацияһында еңеүсе булған. Башҡорт теле һәм әҙәбиәтенән төбәк-ара олимпиадалар призеры ла ул.
Күреүегеҙсә,башҡорт ҡыҙы өсөн бер ерҙә лә ауыр ҡаршылыҡтар юҡ һәм булмаһын да!