Хеҙмәтенә күрә – хөрмәте

Һабантуйҙың тантаналы өлөшөн асып, район хакимиәте башлығы Шамил Мөхәмәтдинов барлыҡ йыйылыусыларҙы ҡайнар тәбрикләне, намыҫлы хеҙмәттәре, район үҫешенә тос өлөш индергәндәре өсөн, баҫыу һәм ферма эшсәндәренә рәхмәт белдерҙе. “Ҡыйғылар – эшһөйәр һәм талантлы халыҡ. Беҙ уңған хеҙмәтсәндәргә рышлыҡтары,
ерҙе яратып, унда эшләгәндәре өсөн рәхмәт белдерәбеҙ. Быйылғы йыл уңышлы килһен, һәр кемдең өҫтәлендә икмәк мул булһын, һәр ҡайһығыҙҙың фиҙакәр хеҙмәте районыбыҙ һәм тыуған республикабыҙ үҫеше өсөн нигеҙ булып торһон!” – тине ул. Байрамдың ҡунаҡтары ла ауыл халҡына йылы теләктәрен еткерҙе. Һабантуй флагын күтәреү
хоҡуғы “Әй” АПК-һы һауынсыһы Р. Ғарипова менән “Красный Урал” АПК-һы механизаторы И. Мостафинға бирелде. Был көндө айырым ауыл хужалығы эшсәндәренә, хужалыҡтар етәкселәренә, белгестәренә, мәҙәниәт хеҙмәткәр ҙәренә бүләктәр тапшырылды.