Был аҙнала республикала +26 градусҡаса йылыта

Башгидрометүҙәк синоптиктары төбәккә йылы көндәрҙең әйләнеп ҡайтыуы тураһында хәбәр итте. Белгестәрҙең мәғлүмәттәре буйынса, 20 июнгә Көньяҡ Уралға оҙаҡ көттөргән йәй килә. Кесаҙна көндөҙ һауа +26 градусҡаса йылына.
«Төндә +7,+12, көндөҙ +21,+26 градусҡаса йылыта һәм аҙна аҙағына тиклем йылы һауа торошо һаҡлана. Урыны менән ҡыҫҡа ваҡытлы ямғыр яуыуы ихтимал», — тип белдерҙе синоптиктар.
18 июндә Башҡортостанда айырым райондарҙа йәшен, көндөҙ елдең секундына 17 метрғаса көсәйеүе көтөлә.