Йорт хайуандары өсөн «өс йондоҙло» дәүләт отеле

«Өс йондоҙло» отелдә йорт хайуандары өсөн 12 стандарт, өс люкс һәм ике ярым люкс номерҙар бар. Ҡунаҡханала үҙ эшен белгән хеҙмәткәрҙәр эшләй. Улар хайуандарҙы ашата, тышҡа сығарып алып йөрөтә, һаулыҡтары торошон һәм таҙалыҡты күҙәтә. Хужалар иһә эт-бесәйҙәрен видеокамера аша онлайнда күҙәтә ала.
Республика халҡы өсөн был ҡунаҡхана бик кәрәкле, сөнки күптәр ялға йәки сәфәргә сыҡҡанда дүрт аяҡлы дуҫтарын ҡайҙа итергә белмәй
Ҡунаҡхана янында клиника урынлашҡан һәм ул тейешлесә йыһазландырылған. Унда хайуандарға вакцинация, диспансер тикшереүе, быуаҙ мәлдәрендә күҙәтеү, аҫрау буйынса кәңәштәр биреү, электрон чиплау, УЗИ үткәреү, амбулатор процедуралар, интенсив терапия, хирургия, ветеринария документтары эшләү кеүек хеҙмәттәр ҡаралған.
Бында һәр дүрт аяҡлы дуҫҡа яҡшы мөғәләмә булдырылған, тип хәбәр итә БР Ветеринария идаралығы.