ҺЫУҘА ҺАҠ БУЛЫҒЫҘ!

Эске эштәр министрлығы граждандарҙың йылға-күл, һыу ятҡылыҡтары эргәһендәге хәүефһеҙлеге буйынса етди борсолоу белдерә. Балаларҙың һәм үҫмерҙәрҙең һыуҙа бәхетһеҙлеккә тарыуы айырыуса ҙур хәүеф тыуҙыра. Бәлиғ булмағандар йышырағын эргәлә законлы вәкилдәре йә иһә башҡа өлкән кешеләр булмауы йә иһә тейешле контроль юҡлығы, хәүефһеҙлек ҡағиҙәләре үтәлмәүе арҡаһында бәләгә тарый.

Махсус йыһазландырылмаған урындарҙа һыу инеүгә юл ҡуймау маҡсатында Рәсәй Эске эштәр министрлығының Ҡыйғы районы буйынса бүлеге хеҙмәткәрҙәре рейдтар үткәрә, граждандарға рөхсәт ителмәгән урындарҙа һыу инергә ярамауы, һыуҙағы һаҡлыҡ саралары тураһында аңлата. Билдәләп үтергә кәрәк, йыһазландырылмаған һәм тыйылған урындарҙа һыу ингән өсөн, БР-ҙың Административ хоҡуҡ боҙоуҙар тураһында кодексының 13.12 статьяһына ярашлы, 3–4 мең һум күләмендә, ә иҫерек килеш һыу ингән өсөн 3–5 мең һум күләмендә штраф ҡаралған.

Һыу буйында ял иткәндә түбәндәге ябай ғына ҡағиҙәләрҙе үтәргә саҡырабыҙ:

махсус билдәләнгән урындарҙа ғына һыу инегеҙ;

“Һыу инеү тыйыла” аншлагына битараф булмағыҙ;

ярҙан алыҫ йөҙөп китмәгеҙ, йылға аша йөҙөп сығырға тырышмағыҙ;

балаларҙың өлкәндәрҙән башҡа үҙҙәренең генә һыу инеүенә юл ҡуймағыҙ;

бер ниндәй осраҡта ла кескәй балаларҙы һыу буйында ҡарауһыҙ ҡалдырып китмәгеҙ;

алкоголь иҫереү хәлендә һыу инмәгеҙ;

әгәр батып барыусыны күрһәгеҙ, кисекмәҫтән тирә-йүндәгеләрҙе ярҙамға саҡырығыҙ, ярҙам итергә тырышығыҙ: ҡотҡарыу түңәрәген ташлағыҙ йә иһә һыуҙа батмай ҡалырға ярҙам итеүсе теләһә ниндәй башҡа предметты бирергә тырышығыҙ.

Хөрмәтле район халҡы!

Һыу ятҡылыҡтарында бәләгә тарымаҫ өсөн, санкцияланған ял һәм һыу инеү урындарына ғына барығыҙ, хәүефһеҙлек ҡағиҙәләрен теүәл үтәгеҙ. Үҙегеҙҙе һәм яҡындарығыҙҙы һаҡлағыҙ!