ҺАРЫ АВТОБУСТАРҒА – ЙӘШЕЛ УТ

Яңы уҡыу йылы алдынан комиссия мәктәп автобустарының әҙерлеген тикшерҙе. Районда барлығы 25 мәктәп автобусы иҫәпләнә, уларҙың бишеһе быйыл һатып алынған.
Тикшереүҙең төп маҡсаты – балаларҙы юлдарҙа хәүефһеҙ йөрөтөүҙе тәьмин итеү һәм юл-транспорт ваҡиғаларын киҫәтеү. “Транспорт сараларының техник торошона, уларҙа хәүефһеҙлек ҡайыштары, тахографтар булыуына, тормоз системаһы, яҡтылыҡ приборҙары төҙөклөгөнә, шиндарҙың торошона һәм хәүефһеҙлеккә йоғонто яһаусы башҡа параметрҙарға төп иғтибар бирелде,” – тип һөйләне беҙгә ЮХХДИ бүлексәһенең юл хәрәкәте ҡағиҙәләре буйынса өлкән инспекторы Р. Ғатауллин.
Комиссия ағзалары водителдәргә балаларҙың ғүмере һәм сәләмәтлеге өсөн яуаплы булыуҙарын иҫкә төшөрҙө.