«Бөрө алмаһы-2019» фестивале барышында умартасылар конкурсы була

31 августа Бөрөлә Ҡала көнө уҙғарыла. Төп ваҡиға — «Бөрө алмаһы-2019».
Быйыл, ғәҙәти конкурстарҙан тыш, ҡала халҡын «Бал провинцияһы» умартасылар конкурсы көтә. «Бөрө алмаһы» программаһы ҡала баҙарында ауыл хужалығы йәрминкәһен асыуҙан башлана, унда теләгән һәр кем үҫентеләр һатып алырға мөмкин.
Төш ваҡытында төрлө тематик күргәҙмәләр менән Бөрө тарихи музейы үҙ эшен башлай. Сәғәт 5-тән Октябрь майҙанында байрам концерты башлана. Фестиваль сағыу фейерверк менән тамамлана.