Ҡәҙерле балалар!

Яңы уҡыу йылы башланыуы һәм Белем көнө уңайынан иң ихлас ҡотлау теләктәрен ҡабул итегеҙ!
1 сентябрь – һәр ҡайһыбыҙ өсөн ҡәҙерле һәм яҡын байрам. Беҙ барыбыҙ ҙа ҙур тормошҡа юлыбыҙҙы мәктәп эскәмйәһенән башланыҡ һәм был көндө тәүге уҡытыусыларыбыҙҙы оло хөрмәт менән иҫкә алабыҙ.
Был көндө беренсе класҡа барыусылар айырым ҡотлау һүҙҙәренә лайыҡ. Быйыл 211 бала өсөн тәүге тапҡыр ҡыңғырау сыңлаясаҡ. Сығарылыш уҡыусылары өсөн һөнәр һайлауҙа, артабанғы тормош юлын билдәләүҙә мөһим булып торған уҡыу йылы башлана.
Үҙ һөнәрҙәренә тоғро ҡалғандары, балаларға донъяны асҡандары, уларҙы иң яҡшы өлгөләрҙә тәрбиәләгәндәре өсөн барлыҡ педагогтарға рәхмәт белдерәм. Ата-әсәләргә иһә аңлы мөнәсәбәттәре һәм балаларына биргән һөйөү- хәстәрлектәре өсөн рәхмәт. Яңы уҡыу йылында барлыҡ балаларға – уңышлы уҡыу, педагогтарға – ижади энергия, илһам, ата-әсәләргә сабырлыҡ, тәрән аҡыл, үҙ балаларын тәрбиәләү өсөн тәрән яуаплылыҡ тойғоһо теләйем.