-5 °С
Болотло
Бөтә яңылыҡтар
ЙӘМҒИӘТ
13 Сентябрь 2019, 18:11
Башҡортостанда колледждарҙа бюджет урындарын арттырыу күҙаллана
Яҡынса мәғлүмәттәр буйынса, 2025 йылға Башҡортостан колледждарында бюджет урындарына ҡытлыҡ булыуы мөмкин, тип хәбәр иттеләр республика Мәғариф министрлығынан.
Яҡынса мәғлүмәттәр буйынса, 2025 йылға Башҡортостан колледждарында бюджет урындарына ҡытлыҡ булыуы мөмкин, тип хәбәр иттеләр республика Мәғариф министрлығынан.
«Демографик хәлде иҫәпкә алып, 3 мең бюджет урынына контроль ҡабул итеү һандарын арттырырға кәрәк, шул иҫәптән медицина йүнәлеше буйынса – 400. Был 191 миллион һум күләмендә өҫтәмә финанслау талап итә», — тип белдерҙе Башҡортостандың мәғариф министры вазифаһын башҡарыусы Айбулат Хажин.
Уның һүҙҙәренсә, әлеге ваҡытта республика бюджеты аҡсаһы иҫәбенә колледждарға контроль ҡабул итеү цифрҙары туғыҙынсы класты тамамлаусылар һанынан күпкә аҙыраҡ.
Ағымдағы уҡыу йылына колледждар өсөн контроль ҡабул итеү цифрҙары – 22 300 урын. Туғыҙынсы кластан һуң – 18 611, ун беренсенән һуң – 3 689 кеше.
Уҙған уҡыу йылы менән сағыштырғанда, контроль ҡабул итеү цифрҙары 3000 ашыу урынға кәмегән. Әйтәйек, 2018/2019 уҡыу йылына республикала контроль цифрҙар 25 334 урын тәшкил иткән.
«Шуның менән бергә туғыҙынсы класты тамамлағандар һәм туғыҙынсынан һуң колледждарға уҡырға инергә теләгәндәрҙең йылдан-йыл артыуы күҙәтелә, — тип өҫтәне Айбулат Хажин. — Әгәр ошо уҡыу йылында туғыҙынсы класты тамамлағандар һаны 42 371 кешегә етһә, 2024 йылға иһә улар 53 534 була. 2019 йыл менән сағыштырғанда, уларҙың һаны 26% арта».
Республика етәксеһе Радий Хәбиров колледждарға контроль ҡабул итеү һандарын өҫтәмә анализларға һәм бер айҙан был мәсьәләне яңынан тикшерергә ҡушты.
«Башинформ» агентлығы хәбәр иткәнсә, республика Мәғариф министрлығы колледждар өсөн Башҡортостан Башлығы гранттарын булдырыу тәҡдимен индерҙе.
Читайте нас:
© 2020-2024 Сайт издания "Беҙҙең Ҡыйғы"
Свидетельство о регистрации ПИ № ТУ 02-01392 от 12.08.2015г. Выдана Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Исмагилова С.Ф.
Телефон
8 (34748) 3-09-84
Электрон почта
Адресы
Республика Башкортостан, Кигинский район с. Верхние Киги, ул. Советская13
Реклама хеҙмәте
8(34748) 3-09-69
Ҡабул итеү бүлмәһе
8(34748) 3-07-05