Һалым хеҙмәте сервистары – бизнесҡа

Бөгөн Рәсәй Федераль һалым хеҙмәте сайтында 50-нән ашыу интерактив сервис эшләй. Уларҙың бер өлөшө – мәғлүмәт биреү өсөн, икенсеһе ахсуслаштырылған мәғлүмәттәрҙе алырға ярҙамлаша. Хеҙмәт яңы сервистар әҙерләүҙе дауам итә.

Башҡортостандың бизнес мөхитендә “Бизнес хәүефтәре: үҙеңде һәм контрагентты тикшер”, “Дисквалификацияланған берәмектәр реестры”, “Кесе һәм урта

эшҡыуарлыҡ субъекттарының берҙәм реестры” электрон сервистары киң файҙаланыла.

Шәхси эшҡыуарҙар өсөн “Һалым калькуляторы” файҙалы булып тора. Уның эсенә “Һалым калькуляторы – патент хаҡын иҫәпләү”, “Һалым калькуляторы – һалым һалыу режимын һайлау”, “Страховка взностарын иҫәпләү калькуляторы” инә. Был сервистар үҙ эшҡыуарлыҡ эшмәкәрлеге төрө өсөн ҡулайлы

булған һалым һалыу системаһын билдәләргә, һалым суммаһын иҫәпләргә, страховка взностары суммаһын билдәләргә ярҙамлаша.

Шулай уҡ “Шәхси эшҡыуарҙың шәхси кабинеты”, “Һалым түләүсе юридик берәмектең шәхси кабинеты” киң файҙаланыла. 2019 йылдың тәүге яртыһында

“Шәхси эшҡыуарҙың шәхси кабинеты” электрон сервисында 30 меңдән ашыу шәхси эшҡыуар теркәлгән. Уҙған йылдың ярашлы осорона ҡарата үҫеш 10,7% тәшкил иткән. Был сервистар ярҙамында 24/7 режимында һалым органдарынан актуаль мәғлүмәт алырға, бюджет менән иҫәп- хисаптарҙы тикшерергә, онлайн режимында мәғлүмәттәр һорарға һәм яуап алырға мөмкин.

Эшҡыуар Шәхси кабинеты аша шәхси эшҡыуарҙарҙың Берҙәм дәүләт реестрынан өҙөмтә алыу мөмкинлегенә эйә. “Шәхси эшҡыуарҙың шәхси кабинеты”

сервисына инеү өсөн, логин сифатында үҙ ИНН-ыңды, “Физик берәмектәр өсөн шәхси кабинет” паролен индерергә кәрәк. Пароль юғалған осраҡта уны тергеҙеү өсөн теләһә ҡайһы һалым органына мөрәжәғәт итергә була.

Бынан тыш, “Шәхси эшҡыуарҙың шәхси кабинеты” сервисына мобиль ҡушымтаны AppStore, GooglePlay магазиндарында яҙҙырып алырға мөмкин.