“Ағас ултырт – тормош бүләк ит”

Иртәгә республикала “Йәшел Башҡортостан” акцияһы үтә. Унда урман хужалыҡтары хеҙмәткәрҙәре һәм барлыҡ теләүселәр ҡатнашасаҡ.
Ҡарағай үрсетмәлектәре һәм эш ҡоралдары менән Ҡыйғы участкаһы питомнигы тәьмин итәсәк, ә шыршы үрсетмәлектәрен Малаяҙ питомнигы алып киләсәк.
“Ағастар Ләүзә участка урман хужалығының 120-се кварталында, Аҫылғужа ауыл эргәһендә ултыртыласаҡ. Тупраҡ алдан механизатор А. Закиров тарафынан МТЗ-80 тракторына беркетелгән ПКЛ-70 һабаны ярҙамында әҙерләнгән.
Барлыҡ теләүселәрҙе Аҫылғужа ауылына саҡырабыҙ. 5 октябрҙә 10.00 сәғәткә ауыл клубы эргәһенә йыйылырға кәрәк,” – тип хәбәр итте “Салауат урман хужалығы” дәүләт автономиялы учреждениеһының Ҡыйғы участкаһы урмансыһы А. Миңләхмәтов.