БСТ – ОТР телеканалында

29 ноябрҙән башлап Башҡортостан юлдаш телевидениеһы (БСТ) тапшырыуҙарын федераль мультиплекстың 9-сы төймәһендә, ОТР телеканалында ҡарарға була. Башҡортостан телевидениеһының рус телендәге алтын фондын Рәсәйҙең төрлө мөйөштәрендә йәшәгән тиҫтәләрсә мең тамашасылар ҡарай аласаҡ.

Башҡортостан тормошон көнөнә ике тапҡыр: иртәнге 6–9 һәм киске 17–19 сәғәттәрҙә ҡарарға мөмкин.

БСТ-ның ОТР эфирындағы тапшырыуҙары мәғлүмәт проекттарынан ғына тормаясаҡ. Тамашасылар башҡа ҡыҙыҡлы контент, шулай уҡ “Тамыр” балалар телеканалы тапшырыуҙарын ҡарай аласаҡ. “Орнамент”, “Республика Лайф”, “Сиркәүгә юл”, “Әл-Фатиха”, “Эштең асылы ғына”, “Фән 102”, “Ҡыҙыл төймә”, “Киске телецентр”, “Яңылыҡтар тауы”, “Сикләүҙәр юҡ”, “Барыһынан да бейегерәк”, “Көҙгө”, “Тайм-аут”, “Ысын футбол”, “Тарихи мөхит” – былар ОТР эфирында күрһәтеләсәк республика телепроекттарының тулы исемлеге түгел әле.