БӨТӘ КОЛЛЕКТИВ МЕНӘН – РАЙОН ГӘЗИТЕНӘ

Беҙ, Пионерҙар һәм уҡыусылар йорто хеҙмәткәрҙәре, “Беҙҙең Ҡыйғы” район гәзитенә тотош коллектив менән яҙылдыҡ һәм башҡаларҙы ла беҙҙең инициативаға ҡушылырға саҡырабыҙ!

Беҙ район яңылыҡтарын уҡырға яратабыҙ, шуға ла гәзиткә ҙур теләк менән яҙылдыҡ. Бик күп мәҡәләләрҙе, айырыуса район тарихы һәм билдәле яҡташтарыбыҙ тураһындағыларын ҡыҙыҡһыныу менән уҡыйбыҙ. Һуңғы йылдарҙа мөһим, файҙалы һәм ҡыҙыҡлы республика яңылыҡтары бите лә сыға башланы.

Барығыҙҙы ла яратҡан район гәзитебеҙгә яҙылырға саҡырабыҙ. Әгәр ҙә беҙ райондағы хәл-ваҡиғаларға битараф булһаҡ, берҙән-бер гәзитебеҙгә ярҙам күрһәтмәһәк, башҡалар быны беҙҙең өсөн эшләмәҫ.