“СТАТИСТИКА БАРЫҺЫН ДА БЕЛЕРГӘ ТЕЙЕШ”

2010 йылда үткәрелгән Бөтә Рәсәй халыҡ иҫәбен алыу ил етәкселеге һәм халҡы яғынан бик күп шелтә алды. Хәлдәр торошон үҙгәртеү маҡсатында Хөкүмәт тарафынан 2020 йылдың 1–31 декабрендә планлы Бөтә Рәсәй халыҡ иҫәбен алыуҙы үткәреү тураһында ҡарар сығарылды.

Алдағы иҫәп алыу кампанияһында ниндәй үҙгәрештәр көтөлә һәм ул нисек үтәсәк – был турала беҙ Бөтә Рәсәй халыҡ иҫәбен алыу–2020 вәкиле Д. Ибәтуллина менән әңгәмәләштек.

Онлайн-иҫәп алыу 2020 йылғы Бөтә Рәсәй халыҡ иҫәбен алыуҙың тәүге этабы булып торасаҡ. Уға октябрҙең тәүге 10 көнө бүленәсәк. Кампанияның икенсе яңылығы – иҫәпселәр электрон планшеттар менән тәьмин ителәсәк. Иҫәп алыу ҡағыҙҙары үткәндәрҙә ҡала – уларҙы респонденттарҙың яртыһы өсөн генә ҡулланасаҡтар.

1–10 октябрь – Дәүләт хеҙмәттәре порталында онлайн-иҫәп алыу;

11–15 октябрь – иҫәп алыуҙы онлайн үткәндәр тураһында мәғлүмәт, иҫәпселәр уларға ҡабаттан мөрәжәғәт итмәһен өсөн, адрестар исемлегенә индереләсәк;

16–27 октябрь – иҫәп алыусыларҙың йорттар һәм фатирҙар буйлап йөрөп сығыуы, анкеталар тултырыуы;

28–31 октябрь – контроль йөрөп сығыу һәм материалдарҙы Росстат инструкторҙарына тапшырыу.

Ошолай итеп, күпселек халыҡ 2020 йылғы иҫәп алыу менән октябрҙең икенсе яртыһында, 16-һынан һуң осрашасаҡ.

Л. Саҙретдинова яҙып алды.