Эске туризмды үҫтереү - өҫтөнлөклө йүнәлеш

Был аҡсаны ул үҙенең күптәнге хыялын тормошҡа ашырыуға – Ҡөлмәт ауылы эргәһендәге йәмле Әй йылғаһы ярында ҡунаҡхана комплексы ойоштороуға тотонорға уйлай, унда ҡунаҡтарға ял итеү өсөн уңайлы шарттар булдырыласаҡ. Бының өсөн эшҡыуар кәрәкле йыһаз һәм ҡорамалдар һатып алған да инде. Киләсәктә Ф. Минһажев рекреация-сервис зонаһының эшен йыл әйләнәһенә ойошторорға планлаштыра: ҡышын саңғыла йөрөү, тимераяҡта шыуыу майҙансыҡтары, йәйен Әй йылғаһы буйлап кәмәләрҙә йөҙөү, иҫтәлекле урындар буйлап йәйәү экскурсиялар ойоштороласаҡ. “Әлбиттә, рекреация мөмкинлектәрен өйрәнеү һәм үҫтереү, был йүнәлеште үҫтереү буйынса алдынғы тәжрибәне өйрәнеү, ҡунаҡтарҙы комплекслы хеҙмәтләндереүҙең лайыҡлы кимәлен тәҡдим итеү өсөн ярҙамсылар ылыҡтырыу буйынса алда ҙур эштәр тора”, – тип һөйләне Фидан Минһажев. Беҙ уға алдына ҡуйған пландарын тормошҡа ашыуҙа ҙур уңыштар теләйбеҙ.

Л. Саҙретдинова.