Башҡортостанда йәшәүселәр күләмле «Хәтер юлы» проектында ҡатнаша ала

Еңеүҙең 75 йыллығына республикала йәшәүселәр үҙҙәренең герой ата-бабалары хаҡында хәтерҙе мәңгеләштерә ала. Уның партнерҙарының береһе – Рәсәй почтаһы. 17 февралдән 31 майға тиклем республиканың почта бүлексәләрендә сканерлау һәм проекттың рәсми сайтына ҡуйыу өсөн Бөйөк Ватан һуғышы ветерандарының фотоһүрәттәрен ҡабул итәләр.

Бынан тыш, элемтә бүлексәләрендә QR-код менән «Хәтер юлы» проекты тураһында мәғлүмәт материалдары урынлаштырыла. Уның ярҙамында фотоны проекттың мәғлүмәттәр базаһына үҙ аллы ҡуйырға мөмкин.